ABŞ Karib dənizində növbəti gəmiyə zərbə endirdi

ABŞ hərbçiləri Karib dənizində daha bir gəmiyə zərbə endiriblər və bu gəminin narkotik daşıdığını iddia ediblər.

Ens.az Oxu.az-a istinadən xəbər verir ki, bu barədə ABŞ Silahlı Qüvvələri Cənub Komandanlığının (SOUTHCOM) "X" hesabında məlumat verilib.

Məlumata görə, zərbə nəticəsində Karib dənizində məlum narkotrafik marşrutları boyunca hərəkət edən yüksəksürətli gəmi zədələnib və dörd nəfər həlak olub.

"Təsdiqlənmiş kəşfiyyat məlumatları göstərir ki, gəmi narkotik qaçaqmalçılığı üçün istifadə edilirdi", - deyə paylaşımda qeyd edilib.

ABŞ KİV-in yazdığına görə, 2025-ci ilin payızında hücumlar başlayandan bəri ABŞ Silahlı Qüvvələri narkotik qaçaqmalçıları tərəfindən istifadə edilən katerlərə endirdiyi zərbələrdə 220-dən çox insan həlak olub.