ABŞ koronavirusla mübarizə üçün istiqrazlar buraxmağı planlaşdırır

Ens.az bildirir ki, ABŞ, ölkənin koronavirus epidemiyası ilə mübarizəsi  üçün borc ala bilər. Bu seçim Ağ Evdə müzakirə olunur, ABŞ prezidentinin iqtisadi müşaviri Larri Kudlou deyib.

Onun sözlərinə görə, Ağ Evin məsləhətçiləri "hərbi istiqrazlar" tipli "koronavirus" xəzinə istiqrazlarının buraxılmasını təklif edirlər. Bu şəkildə toplanan vəsait yoluxucu xəstəliyə qarşı mübarizəni maliyyələşdirmək üçün istifadə ediləcək. "Bu Amerikada səhiyyə, təhlükəsizlik və iqtisadiyyatın gələcəyinə uzunmüddətli bir investisiya olacaq" deyib o.

Məsələ bundadır ki, Amerika Birləşmiş Ştatları koronavirus səbəbiylə işgüzar fəallığın azalması fonunda ciddi iqtisadi problemlərlə üzləşib. ABŞ-ın Əmək Nazirliyinin məlumatına görə, 28 Mart həftəsində ABŞ-da işsizlik müavinəti üçün rekord həddə -  6.648 milyon adam müraciət edib. Bu rəqəm 1982-ci ildə qoyulmuş əvvəlki rekorddan demək olar ki, 10 dəfə çoxdur. Mütəxəssislərin fikrincə, 2020-ci ilin yayına qədər vəziyyət daha da  pisləşə bilər və 14 milyon insanın iş yerlərini itirəcəyi ehtimalı var. İqtisadiyyatı dəstəkləmək üçün ABŞ hakimiyyəti iki trilyon dollar ayırmağa razılıq verib.

Mənbə: lenta.ru