ABŞ liderindən təklif: Hörmüz "Tramp boğazı" adlandırılsın

ABŞ-nin dövlət başçısı Donald Tramp Hörmüz boğazının adının dəyişdirilərək "Tramp boğazı" adlandırılması təşəbbüsünü irəli sürüb.

Ens.az Oxu.az-a istinadən xəbər verir ki, bu barədə TASS agentliyi məlumat yayıb.

Noyabrda ABŞ Konqresinə keçiriləcək aralıq seçkisi ərəfəsində hakim Respublikaçılar Partiyasının Dallasdakı milli qurultayında çıxış edən Tramp bildirib:

"Hesab edirəm ki, Hörmüz boğazı mənim adımı daşımalıdır. Mən bundan nəsə əldə etməliyəm. Xanımlar və cənablar, bu məkan belə adlanacaq. Mən bununla bağlı rəsmi açıqlama verəcəyəm".

Birləşmiş Ştatların rəhbəri, həmçinin ABŞ-nin İrana qarşı müharibədə qələbə qazanmasından sonra neftin qiymətinin aşağı düşəcəyinə əminliyini ifadə edib. Tramp bir daha qlobal neft tədarükünün böyük bir hissəsinin həyata keçirildiyi Hörmüz boğazının rəsmi Vaşinqtonun nəzarəti altında olduğunu iddia edib.