ABŞ rəsmilərinə ittiham: İnsayder məlumatlardan biznes üçün istifadə edilib? - Vensdən açıqlama

ABŞ-nin vitse-prezidenti Cey Di Vens İranın ona ABŞ nümayəndələrinin İslam Respublikası ilə danışıqlar zamanı insayder məlumatlarından maliyyə mənfəəti məqsədilə yararlanmaları barədə ismarış göndərməsi barədə iddiaları təkzib edib.

Ens.az Oxu.az-a istinadən xəbər verir ki,bu barədə vitse-prezident "X" sosial şəbəkəsində açıqlama verib.

"Bu məlumat qətiyyən həqiqəti əks etdirmir. Mən heç vaxt belə bir mesaj almamışam", - deyə vitse-prezident "Drop Site News" portalının məqaləsinə münasibət bildirib.

Həmin yazıda bildirilib ki, iyun ayında İsveçrədə keçirilən məsləhətləşmələr zamanı İran təmsilçiləri ABŞ prezidentinin xüsusi elçisi Stiv Uitkoff və dövlət başçısının kürəkəni Cared Kuşnerin danışıqlarda iştiraklarından sui-istifadə etdiklərini və müqavilə bağlamaqdan daha çox maliyyə bazarlarında qazanc əldə etmək məqsədilə insayder məlumatlarından istifadə etməyə maraqlı olduqlarına dair xəbərdarlıq olunub.

"Belə bir mesaj alsaydım, bildirərdim ki, Cared və Stiv Prezident Donald Trampın komandasının etibarlı üzvləri və çox yaxın dostlarıdır. Bölgədə sülhün və rifahın bərqərar olması üçün onlardan daha çox iş görən heç kim yoxdur. Onların insayder məlumatlarına əsaslanaraq ticarət aparmaları barədə fikirlər tamamilə absurddur", - deyə Vens əlavə edib.

Adıçəkilən nəşrdə iranlı rəsmiyə istinadən iddia edilir ki, İslam Respublikasında Trampın yaxın ətrafının, xüsusən də Uitkoff və Kuşnerin bazar manipulyasiyası yolu ilə təxminən 9 milyard dollar gəlir əldə etdiyinə inanırlar. Həmçinin iddia olunur ki, İran tərəfi Uitkoff və Kuşnerin kütləvi informasiya vasitələrinə məlumat sızdırdıqlarından İsrailin Baş naziri Benyamin Netanyahu və "Mossad" kəşfiyyat xidmətinin direktoru ilə, demək olar ki, hər gün danışdıqlarından narahatlığını ifadə edib.