Ağ Aşıq Allahverdi - Dünya
Nə veribsən, alammırsan,
Suçum nədi görən, dünya?
Gündə min cür üz göstərib,
Min bir dona girən dünya.
El-obadan cida saldın,
Neyləmişdim oda saldın,
Ev-eşiyə qada saldın,
Dərd üstdən dərd verən dünya.
Ağ Aşığam, taleyi kəm,
Görməmişdim belə sitəm.
Qolubağlı rəiyyətəm,
Az gücünə güvən, dünya.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət