Ağ Aşıq Allahverdi - Düşdü
Yenə yada düşdü nakam eşqimiz,
O gözün oduna bir daha yandım.
Məhəbbət ötəri hal da deyilmiş,
Hu çəkdim, Kərəm təkin, aha yandım.
Yarım hələ sağalmayıb qaysardı,
O səs məni ötən günə qaytardı,
Varlığımı haray sardı, hay saldı,
Od tutdu şirin can, daha oysandım.
Vəfalı dilbərim üzümə güldü,
Şux baxdı gözümə, qəlbimi bildi.
Ağ Aşıq, Süsənbər bir əhli-dildi,
Görüncə üzünü, ilahə sandım.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət