"Air Astana" aviaşirkəti Bakı aeroportuna məcburi enişlə əlaqədar açıqlama yaydı
Qazaxıstanın "Air Astana" aviaşirkəti onlara məxsus olan sərnişin təyyarəsinin Bakıda Heydər Əliyev Beynəlxalq Aeroportuna məcburi eniş etməsi ilə bağlı açıqlama yayıb.
Ens.az Oxu.az-a istinadən xəbər verir ki,məlumat aviaşirkətin saytında dərc edilib.
"Martın 23-də "Air Astana" aviaşirkətinin Tbilisi-Almatı marşrutu ilə hərəkət edən 140 saylı gecə reysi sərnişinin səhhətinin pisləşməsi ilə əlaqədar Bakı şəhərinin hava limanına məcburi eniş edib.
O, təcili tibbi yardım əməkdaşlarına təhvil verilib.
Ekipajın iş saatı başa çatdığından, uçuş martın 24-ü yerli vaxtla saat 13:40-a qədər təxirə salınıb.
Sərnişinlər gecələmək üçün otelə yerləşdiriliblər, qida ilə təmin olunublar", - "Air Astana" aviaşirkətinin yaydığı açıqlamada qeyd olunub.
Şərhlər
Şərhləri göstər Şərhləri gizlət