Altı ölkə Trampın təhdidlərindən sonra Qrenlandiyaya hərbi dəstək göndərib

ABŞ Prezidenti Donald Trampın Qrenlandiyanı ilhaq etmək təhdidləri fonunda Avropa ölkələri - Almaniya, İsveç, Fransa və Norveç adanın müdafiəsini gücləndirmək üçün ora əsgəri qüvvə göndərmək qərarına gəliblər.

Ens.az Oxu.az-a istinadən xəbər verir ki,məlumatı "Politico" yayıb.

Bundesver Danimarkanın dəvəti ilə Qrenlandiyanın paytaxtı Nuuka 13 hərbçisini yola salıb.

Norveç Müdafiə Nazirliyinin sözçüsü isə bildirib ki, Qrenlandiyaya iki əsgər gedəcək.

Parisin Qrenlandiyadakı hərbi missiyada iştirak etmək niyyəti barədə də məlumat verilib.

İsveç də Avropa hərbi missiyasında iştirakını elan edib. Baş nazir Ulf Kristersson sosial mediada İsveç Silahlı Qüvvələrindən bir neçə zabitin missiyada iştirak etdiyini bildirib.

Hərbçilər Danimarkanın xahişi ilə göndərilib.

Kopenhagen daha əvvəl Qrenlandiyadakı hərbi mövcudluğunu gücləndirdiyini, ölkənin silahlı qüvvələrinin bölmələrini adaya yerləşdirdiyini və təlimlər keçirdiyini elan edib.

"Politico"nun özəl mənbəsinə istinadən verdiyi məlumata görə, təlimlərdə Hollandiya və Kanadadan olan əsgərlər də iştirak edir.