“COVID-19-un şiddətli dövründə Azərbaycan Milli Elmlər Akademiyasında (AMEA) 16 nəfərdə virus aşkarlanıb. Onların hamısı sağalıb. Hazırda AMEA-da koronavirus xəstəsi kimi qeydə alınan əməkdaşımız yoxdur”.
Ens.az xəbər verir ki, bu fikirləri Modern.az-a AMEA-nın vitse-prezidenti İsa Həbibbəyli bildirib.
Vitse-prezident yaşı 65-dən yuxarı işçilərin fəaliyyətinə də toxunub:
“Nazirlər Kabineti yanında Operativ Qərargahın tapşırıqlarına əməl etmək borcumuzdur. Yaşı 65-dən yuxarı olan əməkdaşlarımız tədqiqat işlərini evdə davam etdirir və akademiya ilə onlayn əlaqə saxlayırlar”.
İsa Həbibbəyli özünün işə çıxmasına da aydınlıq gətirib:
“Vəzifə təyindatında olan AMEA-nın rəhbər heyəti pandemiya dövrünün şərtlərinə əməl etməklə işə çıxır. Məsafə gözləməklə, tibbi maska taxmaqla qaydalara əməl edir və işimizi davam etdiririk”.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.