AMEA Mərkəzi Elmi Kitabxanasında AMEA-nın müxbir üzvü, iqtisad elmləri doktoru, professor, əməkdar elm xadimi, Əli Xudu oğlu Nuriyevin Biobiblioqrafik göstəricisi tərtib edilib
Azərbaycan Milli Elmlər Akademiyasının (AMEA) Mərkəzi Elmi Kitabxanası (MEK) AMEA-nın müxbir üzvü, iqtisad elmləri doktoru, professor, Əməkdar elm xadimi, Azərbaycan Respublikasının Prezidenti yanında Dövlət İdarəçilik Akademiyasının Regional İqtisadi və Sosial Araşdırmalar İnstitutunun direktoru Əli Xudu oğlu Nuriyevin biobiblioqrafik göstəricisini tərtib etmişdir. Qeyd edək ki, bir müddət əvvəl 382 səhifə həcmində biobiblioqrafik göstərici Elm Nəşriyyatında çapdan çıxmışdır. Kitabın tərtibçiləri AMEA MEK-in Biblioqrafik Vəsaitlərin hazırlanması sektorunun müdiri, doktorant Təranə Rüstəmova və Dövlət Odarəçilik Akademiyasının əməkdaşı, iqtisadiyyat üzrə fəlsəfə doktoru Nüşabə Nuriyeva, redaktoru dosent Şəhla Tahirqızı, ixtisas redaktoru Sevil Zülfüqarovadır.
Biobiblioqrafik göstərici Əli Xudu oğlu Nuriyevin elmi-pedaqoji və ictimai fəaliyyətinin 1968-2020-ci illərini əhatə edir.
Biobiblioqrafik göstəricidə Ə.X.Nuriyevin həyatı və əmək fəaliyyətinin əsas tarixləri, elmi, pedaqoji və ictimai fəaliyyəti haqqında oçerk, elmi-tədqiqat işləri, əsərləri və onların praktiki tətbiqi haqqında məlumat verilmişdir. Həmçinin biobiblioqrafik göstəricidə Ə.X.Nuriyevin redaktorluq fəaliyyəti, doktorant və dissertantlara elmi rəhbərliyi, rəy verdiyi əsərlər, avtoreferat və dissertasiyalar, habelə həyatı və yaradıcılığı haqqında ədəbiyyat siyahısı öz əksini tapmışdır.
Əli Xudu oğlu Nuriyevin öz ixtisas sahəsindən başqa, eyni zamanda qeyri-ixtisas və profil üzrə kadr hazırlığı sahəsində də xidmətləri olmuşdur. Belə ki, o, uzun illər qeyri-ixtisas sahələrində rəhbər vəzifələrdə çalışmışdır:
- 1974-1979-cu illərdə Naxçıvan Elm Mərkəzində ictimai əsaslarla tarix şöbəsinin müdiri;
- 1980-1981-ci illərdə Kooperativ Ticarəti Elmi-Tədqiqat İnstitutunda elmi hissə üzrə direktor müavini;
- Dövlət İdarəçilik Akademiyasında 2002-2012-ci illərdə Geostrateji Araşdırmalar Mərkəzinin müdiri.
Onun bilavasitə bu sahədə rəhbərlik etdiyi elmi-tədqiqat işlərinin müxtəlif mövzularında bir çox dissertasiyalar müdafiə olunmuşdur.
“Əli Xudu oğlu Nuriyev” biblioqrafiyası kitabxananın hazırladığı əvvəlki şəxsi biblioqrafiyalardan bir sıra üstünlüyü ilə fərqlənir. Belə ki, kitabda alimin bütün yaradıcılığı 13 ayrı-ayrı bölmələr daxilində qruplaşdırılmışdır. Məsələn, kitablar, dövrü mətbuat və məcmuələrdə çap olunmuş məqalələrin əlifba göstəricisi, konfrans materialları, məruzələr, tezislərin əlifba göstəricisi, redaktə etdiyi əsərlərin əlifba göstəricisi, Elmi məsləhətçisi olduğu əsərlərin əlifba göstəricisi, Rəy verdiyi əsərlərin əlifba göstəricisi, Müsahibələrin əlifba göstəricisi və s.
Həmçinin biobiblioqrafiyadan istifadəni asanlaşdırmaq məqsədilə 19 addan ibarət soraq axtarış aparatı tərtib edilmiş və istifadə olunmuş ixtisarların siyahısı verilmişdir. Məsələn, Nəşriyyatların əlifba göstəricisi, Qəzetlərin əlifba göstəricisi, Jurnalların əlifba göstəricisi, Coğrafi adların əlifba göstəricisi, Dissertasiyalara elmi rəhbərlik və məsləhətçi, Opponentlik etdiyi dissertasiyalar, Həyatı, elmi-ictimai fəaliyyəti və əsərləri haqqında ədəbiyyatın əlifba göstəricisi, Əli Xudu oğlu Nuriyev haqqında internet resursların əlifba göstəricisi və s.
Biblioqrafiyanın digər üstün cəhəti xarici dillərdə olan mənbələrin azərbaycan dilində tərcüməsi verilmişdir. Məsələn, türk, rus, ingilis, fars və s.
Biobiblioqrafik göstərici iqtisadiyyat üzrə elmi-tədqiqat işi aparan alim və mütəxəssislər, ali məktəb müəllimləri və tələbələr, eləcə də geniş oxucu kütləsi üçün nəzərdə tutulmuşdur.
AMEA Mərkəz Elmi Kitabxanasının
İctimaiyyətlə əlaqələr şöbəsi
Şərhlər
Şərhləri göstər Şərhləri gizlət