Araz çayının İmişlidən keçən hissəsi qadağan olunmuş sintetik torlardan təmizlənib

Araz çayının İmişlidən keçən hissəsi qadağan olunmuş sintetik torlardan təmizlənib

Ekologiya və Təbii Sərvətlər Nazirliyi (ETSN) su hövzələrinin qadağan olunmuş ov vasitələrindən təmizlənməsi məqsədilə növbəti reyd keçirib.

"Report" xəbər verir ki, Araz çayının İmişli rayonunun Şahverdli, Göbəktala, Məmmədli, Rəsullu kəndləri və Bəhrəmtəpə qəsəbəsi ərazisindən keçən hissəsi qadağan olunmuş sintetik torlardan və digər ov vasitələrindən təmizlənib.

ETSN-in Regional Ekologiya İdarəsinin rəisi Kənan Kərimli jurnalistlərə açıqlamasında bildirib ki, 3 saylı Regional Ekologiya İdarəsinin və Su Nəqliyyatında Polis İdarəsinin İmişli Xətt Polis Məntəqəsinin əməkdaşları ilə birgə keçirilən reyd zamanı sözügedən ərazidən qadağan olunmuş ov alətləri maddi sübut kimi götürülüb və müvafiq sənədləşmə işləri aparılıb.

Reydlər davam etdirilir.