Aşıq Ələsgər - Bu dünyada üç şey başa bəladı
Bu dünyada üç şey başa bəladı:
Yaman oğul, yaman arvad, yaman at.
İstəyirsən qurtarasan əlindən,
Birin boşla, birin boşa, birin sat.
Ov keçdi bərədən ata bilməzsən,
Uçdu getdi əldən, tuta bilməzsən,
Yerisən yüyürsən çata bilməzsən,
Görürsən ki baxtın yatdı, sən də yat.
Qılma Ələsgəri məhrumu - didar,
Tərəhhüm et mənə bir busə ey yar!
Üç həriflə ismin eylədin aşkar;
Biri kafdı, biri lamdi, biri sat.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət