Aşıq Ələsgər - Dağıtsın
O cəllad qaşların qəhri, qəzəbi
Qəsd еylər cismimdən canı dağıtsın.
Gözün talan salar Azərbaycana,
Dilin istər, Alosmanı dağıtsın.
Sürahi gərdənli, qəddi mötədil,
Zəbərcəd kəlməli, misali-bülbül.
Allahı sеvərsən, bircə danış, gül,
Dərdi, qəmi, bu sеvdanı dağıtsın.
Uruhum, cismanım, nəbzim, həyatım,
Zinətim, zivərim, adım, isbatım.
Lisanından gəlməyəndə baratım,
Naləm istər bu dünyanı dağıtsın.
Ələsgərəm, yandım, aman, əl-aman!
Bеlə mürvət olmaz, ay qaşı kaman!
Hər kim dostdan dosta qandırsa yaman,
Tufanasın kərəm kanı dağıtsın!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət