Aşıq Hüseyn Şəmkirli - Güllünün

Aşıq Hüseyn Şəmkirli - Güllünün

Ay həzarat, tərif edin, nə xoşdu çağı Güllünün, 
Əmməyə də ləzzət verir zülal dodağı Güllünün, 
Süddən ağ, baldan şirin büllur buxağı Güllünün, 
Ay kimi şölə verir ayna qabağı Güllünün.

Ağ üzündə, buxağında tamam qoşa xal bəzənib, 
Əynində zərdən küləcə, onu üstdən şal bəzənib, 
Müxtəsər nəyin deyim, bir xonçalıq mal bəzənib, 
Məscidi mehraba dönüb, qaşının tağı Güllünün.

Biçarə Aşıq Söyünün görün necə gəlir səsi, 
Danışıban söylətməyə bu gözəli, var həvəsi, 
Xəstələrə dərman olub yeni baş verib məməsi, 
Aşığınm canm alır süzgün baxmağı Güllünün.