Aşıq Ömər - Dedim-dedi
Dedim: Dilbər, yanaqların qızarmış,
Dedi: çiçək taxdım, gül yarasıdır.
Dedim: danə-danə olmuş bənlərin,
Dedi: zülfüm dəydi, tel yarasıdır.
Dedim: Dilbər, sənə yazıldı qanım,
Dedi: neçin dersən, mənim sultanım?
Dedim: kimlər sarmış incə miyanın?
Dedi: kəndim sardım, qol yarasıdır.
Dedim: bu Ömərin ağlını aldın,
Dedi: sevdiyinə peşmanmı oldun?
Dedim: Dilbər, neçin saralıb soldun?
Dedi: həp çəkdiyim dil yarasıdır.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət