Aşıq Ömər - Kiminsən sən

Aşıq Ömər - Kiminsən sən

Sallanıb seyran yerinə 
Çıxan dilbər, kiminsən sən? 
Siyah zülftin mah üzüne 
Tökən dilbər, kiminsən sən?

Baxdım gözünə, qaşına, 
Bənzətdim hüma quşuna. 
Məni hicran atəşinə 
Yaxan dilbər, kiminsən sən?

Payinə üz sürən qullar 
Dəmadəm mədhin edərlər. 
Al yanaq üstünə güllər 
Taxan dilbər, kiminsən sən? 
 
Seyrana geder bostana 
Bülbül qonar gülüstana.
Bizə məstanə-məstanə 
Baxan dilbər, kıminsən sən?

Aşıq Ömər, seyrə varma, 
Vanb divanına durma.
Ala gözə siyah sürmə 
Çəkən dilbər, kiminsən sən?