Ayfon 15-in qiyməti açıqlandı

Ayfon 15-in qiyməti açıqlandı

Əpl yeni cihazların illik təqdimat mərasimində Ayfon-15-in qiymətini açıqlayıb.

Ens.az Publika.az-a istinadən xəbər verir ki, bütün yeni cihazların satışı sentyabrın 22-də başlayacaq.

Ayfon-15 alüminium korpusa, beş bədən rənginə, "Dynamic Island" kəsikli yeni displey və 48 meqapiksellik əsas kameraya malikdir.

Smartfona USB "Type-C" vasitəsilə qoşulmaq mümkün olacaq. O, iki ölçüdə təqdim olunur: 6,1 düym və 6,7 düymlük ekranla.

128 GB yaddaşa malik Ayfon-15-in qiyməti 799 dollar olacaq. Böyük ekranlı Ayfon-15 Plusun qiyməti isə 899 dollardan başlayır.

Əpl həmçinin Ayfon-15 Pro və 15 Pro Maksı təqdim edib. Smartfonlar titan korpus və yenilənmiş kamera sistemi ilə təmin edilib.

Ayfon-15 Pro 999 dollardan, Pro Maks versiyası isə 1199 dollardan satılacaq.