Azərbaycan çempionunun rəqibi bilindi – Çempionlar Liqasında

Azərbaycan çempionunun rəqibi bilindi – Çempionlar Liqasında

Futzal üzrə Çempionlar Liqasında 2020/21 mövsümünün ilk püşkatması keçirilib.

Ens.az Apasport.az saytının məlumatına istinadə xəbər verir ki, koronavirus pandemiyası üzündən ilk dəfə yeni formatda keçiriləcək turnirin ilkin mərhələsinin cütləri bəlli olub.

Bu raundda yarışacaq 46 komanda 23 cüt təşkil edib. Azərbaycan çempionu “Araz” Yunanıstanın AEK klub ilə qarşılaşacaq.

Noyabrın 24-29-da keçiriləcək mərhələnin cütləri bir matçda qalibi müəyyənləşdirəcək. Naxçıvan təmsilçisi bu görüşü səfərdə keçirəcək.

Qeyd edək ki, 23 cütün qalibi və ilkin mərhələdən azad olan 9 komanda 1/16 finalda mübarizə aparacaq. Bu mərhələnin püşkü dekabrın 4-də, oyunları 2021-ci il yanvarın 12-17-də keçiriləcək.