Azərbaycan karbamid gübrələrinin ixracına nə zaman başlayacaq?
"SOCAR karbamid" zavodu bu ilin may-iyun aylarında karbamid gübrələrinin ixracına başlayacaq.
Bu barədə Trend-ə SOCAR-dan bildiriblər.
Məlumata əsasən məhsulun böyük hissəsi Türkiyəyə tədarük olunacaq.
Bundan başqa, Qara dəniz və Aralıq dənizi ölkələrinin bazarına çıxmaq planlaşdırılır.
Qeyd edək ki, "SOCAR karbamid" zavodu yanvarın 16-da istifadəyə verilib. Zavod ildə 600-650 min ton karbamid məhsulu istehsal etmək gücündədir.
Hazırda "SOCAR karbamid" zavodu ölkənin qeyri-neft sektorunda ən iri layihədir və bu layihənin dəyəri təxminən 800 milyon avro təşkil edib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət