Azərbaycan millisi "Fənərbaxça" ilə bacarmadı
Türkiyədə təlim-məşq toplanışında olan qadın voleybolçulardan ibarət Azərbaycan milli komandası ilk yoxlama matçını keçirib.
Modern.az xəbər verir ki, yığma İstanbulda "Fənərbaxça" ilə üz-üzə gəlib.
Qarşılaşma milli üzvləri üçün yaxşı başlayıb. Yığma ardıcıl 2 setdə rəqibindən üstün olub – 25:22, 25:23. Üçüncü setdə baş məşqçi Vasif Talıbov ehtiyat qüvvəyə də şans verib. Bundan istifadə edən rəqib hesabı bərabərləşdirib – 25:17, 25:23.
Komandalar qarşılıqlı razılığa əsasən tay-breki oynamayıblar.
Beləliklə, görüş 2:2 hesablı heç-heçə ilə yekunlaşıb.
Qeyd edək ki, Olimpiya təsnifat turnirinə hazırlaşan Azərbaycan millisi qardaş ölkədə daha bir sınaq oyunu keçirəcək. Rəqib “Türk Hava Yolları” olacaq.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət