Azərbaycan müdafiə xərclərini artırır
Bu ilin dövlət büdcəsində nəzərdə tutulmuş müdafiə xərclərinin 150 milyon manat və yaxud 4,9% artırılaraq 3 037,618 milyon manatdan 3 187,618 milyon manata çatdırılması nəzərdə tutulur.
“Qafqazinfo” xəbər verir ki, bu məsələ “2019-cu il dövlət büdcəsi haqqında” qanuna dəyişikliklər edilməsi barədə qanun layihəsində öz əksini tapıb. Bundan əlavə, 2019-cu il üzrə icmal büdcəsinin xərclərinin yuxarı həddinin məbləği də artırılır.
Dəyişikliyə əsasən, 2019-cu il icmal büdcəsinin xərclərinin yuxarı həddinin məbləği 27 155 796,1 min manatdan 27 370 796,1 min manata qaldırılır. Dəyişikliklər Milli Məclisin növbəti plenar iclasında müzakirəyə çıxarılacaq.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət