Azərbaycan Norveçi yox, Rumıniyanı keçdi

Azərbaycan Norveçi yox, Rumıniyanı keçdi

Azərbaycan UEFA-nın əmsallar cədvəlində 25-ci pilləyə yüksəlib. 

Ens.az Report.az-a istinadən xəbər verir ki, bu, "Qarabağ" komandasının Çempionlar Liqasının III təsnifat mərhələsində Norveç "Molde"si ilə oyunun əsas və əlavə vaxtında 0:0 hesablı heç-heçə etməsi səbəbindən baş verib. Penalti seriyasında uduzmasına rəğmən, Ağdam təmsilçisi 0,250 xal toplaya bilib. Nəticədə Azərbaycanın son 5 mövsümün yekununda xalları 16.125-ə çatıb. 15.950 xala malik Rumıniya isə 1 pillə geriləyərək, 26-cı sıraya enib. 

Lakin Azərbaycan 16.250 xalla 24-cü yerdə gedən Norveçi də keçmə şansını əldən verib. Belə bir hal "Qarabağ" "Molde"yə qalib gəlsəydi, gerçəkləşəcəkdi.