Azərbaycan Premyer Liqasında işıqlandırmaya görə oyunun vaxtı dəyişdirilib

Topaz Premyer Liqasının XXVII turunun “Keşlə”– “Zirə” matçının vaxtı dəyişdirilib.

ONA-nın məlumatına görə, Peşəkar Futbol Liqası mayın 5-də baş tutacaq oyunun başlanma vaxtının 20:00-dan 17:00-a keçirilməsinə qərar verib.

Bu, “Keşlə” klubunun quruma ünvanladığı rəsmi məktuba əsasən gerçəkləşib. Qarşılaşmanın meydan sahibləri görüşün keçiriləcəyi stadionda işıqlandırma sistemində baş verə biləcək nasazlıqlar səbəbindən görüşün başlanma saatının 20:00-dan 17:00-a keçirilməsi xahiş edib. “Zirə” klubunun razılığını rəhbər tutan PFL oyunun üç saat tez başlamasına razılıq verib.