Azərbaycan qızıl və gümüş hasilatını artırıb

Azərbaycan qızıl və gümüş hasilatını artırıb

Bu ilin yanvar-may aylarında Azərbaycanda 1 432,7 kq qızıl hasil edilib ki, bu da 2019-cu ilin analoji dövrü ilə müqayisədə 2,6% çoxdur.

Ens.az xəbər verir ki, "APA-Economics"in Dövlət Statistika Komitəsinə istinadən verdiyi məlumata görə, hesabat dövründə ölkədə 1 772,2 kq gümüş istehsal edilib. Ötən ilin müvafiq dövrü ilə müqayisədə bu göstərici 29,8% artıb.

Qeyd edək ki, hazırda Azərbaycanda qızıl "AzerGold" QSC və Böyük Britaniyanın "Anglo-Asian Mining" şirkəti tərəfindən hasil olunur.

"Anglo-Asian Mining" Azərbaycanda 1997-ci il avqustun 21-də imzalanmış PSA (Production Sharing Agreement/Hasilatın Pay Bölgüsü) tipli müqavilə çərçivəsində hasilatla məşğul olur. Müqavilədə Azərbaycanın payı 51%, Britaniya şirkətinin payı 49% təşkil edir. İlk qızıl hasilatına ("Gədəbəy" yatağında) 2009-cu ildə başlanılıb.

Məhsul növləri	2020-ci ilin yanvar-may aylarında istehsal edilib	Əvvəlki ilin müvafiq dövrünə nisbətən, %
Mis filizləri və konsentratları, ton	1004,7	124,8
Qiymətli metal filizləri və konsentratları, kq	3 204,9	116,1
o cümlədən: qızıl	1 432,7	102,6
gümüş	1 772,2	129,8

 

Mənbə: