Azərbaycan Qran-prisində zərər görən avtomobil üçün kompensasiya sığorta şirkəti vasitəsilə ödəniləcək

Azərbaycan Qran-prisində zərər görən avtomobil üçün kompensasiya sığorta şirkəti vasitəsilə ödəniləcək

Azərbaycan Qran-prisində zərər görən "Williams" bolidinin hər iki şassisi bərpa olunub və İspaniyaya aparılıb.

"Report"un məlumatına görə, bu barədə "Williams"ın direktor müavini Kler Uilyams açıqlama verib. O, ehtiyat şassilərin də hazırda Barselonada Qran-priyə hazır vəziyyətdə olduqlarını bildirib: "Uşaqlar zavodda fenomenal iş gördülər və əllərindən gələn hər şeyi etdilər ki, şassilər İspaniyaya gəlib çıxsın".

Uilyams Corc Rasselin bolidinin şassinin lükə ilişərək qəzaya düşməsi səbəbindən kompensasiya alacaqlarını xatırladıb: "Köçürmə sığorta şirkəti vasitəsilə ediləcək. Bunun nə qədər vaxt alacağını bilmirəm. Amma Bakıdakı yarışın promouterləri başa düşürlər ki, bu, mümkün qədər tez baş verməlidir. İndi biz özümüz təmir xərcini ödəyəcək, sonra isə kağızları sığorta şirkətinə verəcəyik".

Qeyd edək ki, Azərbaycan Qran-prisinin qalibi "Mercedes" pilotu Valtteri Bottas olub.