Azərbaycan-Türkiyə birgə hərbi təlimləri regionda vəziyyəti necə dəyişəcək? - Politoloq ŞƏRHİ

“TurAz Qartalı – 2020” birgə təlimlərində iştirak etmək üçün Türkiyə Hərbi Hava Qüvvələrinin F-16 təyyarələri Azərbaycana gəlib.

Ens.az xəbər verir ki,bununla bağlı KONKRET.az-a danışan politoloq Məhəmməd Əsədullazadə bildirib ki, Türkiyənin Azərbaycanla böyük miqyasda hərbi təlimləri regionda siyasi-hərbi nizamı bizim lehimizə dəyişəcək:

“Ermənistan və onun havadarının Azərbyacana qarşı təxribat planları məhz bu təlimlərlərlə fiaskoya uğradı. Hesab edirəm ki, regionda misli görünməyən bu təlimlər Ermənistanda ciddi narahatlıq və zəlzələ effekti yaratdı. Artıq Ermənistan anladı ki, Türkiyə Cənubi Qafqazdadır. İndiyə qədər Rusiya faktorunu Ermənistan qabardaraq əmin idi ki, Ankara Azərbaycana tam dəstək verməyəcək, hərbi qüvvələri Azərbaycanda olmayacaq. Geosiyasi reallıq Türkiyənin Azərbyacanda hərbi təlimlərini labüd etdi. Bu, İrəvanda soyuq duş effekti yartadı. Hətta Rusiya da, Ankaranın varlığı ilə barışmalı oldu.