![Azərbaycanda olan xüsusi siniflərin sayı açıqlandı](https://ens.az/images/news/e9efc0c0356e05c1e14af224aba7c16e.jpg)
Azərbaycanda olan xüsusi siniflərin sayı açıqlandı
2019-2020-ci tədris ilində istedadlı uşaqlar üçün 102 xüsusi sinif yaradılıb.
Ens.az xəbər verir ki, Təhsil Nazirliyindən "Report"a verilən məlumata görə, hazırda Bakı, Sumqayıt, Gəncə, Mingəçevir və Şirvan şəhərləri ilə yanaşı 47 rayon üzrə 82 məktəbdə ümumilikdə 162 xüsusi sinif fəaliyyət göstərir.
4000-ə yaxın şagird sözügedən siniflərdə təhsillərini davam etdirir.
Gəncə şəhəri və Quba rayonunda Təhsil Nazirliyinin tabeliyindəki Fizika, riyaziyyat və informatika təmayüllü Respublika liseyinin, Şirvan və Şəki şəhərlərində isə Təhsil Nazirliyinin tabeliyindəki Kimya-biologiya təmayüllü Respublika liseyinin sinifləri yaradılıb.
Növbəti tədris ilindən Gəncə, Şirvan, Şəki şəhərləri, Quba və Şəmkir rayonlarında 5 yeni lisey fəaliyyət göstərəcək. Belə ki, Gəncə şəhəri və Quba rayonunda Fizika, riyaziyyat və informatika təmayüllü, Şirvan, Şəki şəhərləri və Şəmkir rayonunda isə Kimya-biologiya təmayüllü Respublika liseyi təşkil olunub. Yeni liseylər həmin regionlarda sözügedən lisey siniflərinin bazasında yaradılıb.
![](https://www.ens.az/images/uploads/302e5c06e63c12be557a8d546f2e283c.jpg)
![](https://www.ens.az/images/uploads/a8617b039183a8bbc2d7974bf7398aea.jpg)
Şərhlər
Şərhləri göstər Şərhləri gizlət