Azərbaycanda sabiq spiker vəfat etdi

Naxçıvan Muxtar Respublikası Ali Məclisinin (Soveti) sabiq sədri Namiq Həsənov dünyasını dəyişib.

Ens.az Yenisabah.az-a istinadən xəbər verir ki, 76 yaşlı N. Həsənov xəstəlikdən sonra vəfat edib. 

Namiq Həsənov 1990-92-ci illərdə Naxçıvan Daxili İşlər Nazirliyinin polkovniki olub. 1994-cü ilin aprel ayından 1995-ci ilin iyul ayınadək Naxçıvana rəhbərlik edib. Azərbaycan Prezidentinin Sərəncamı ilə onun son iş yeri respublikanın Əmək və Əhalinin Sosial Müdafiəsi nazirinin müavini vəzifəsi olub. Bu vəzifəni 1995-2000-ci illərdə icra edib.