Azərbaycanlı investorlar Türkiyədə ada almaq istəyirlər

Türkiyədə 457 milyon lirə dəyərində 4 ada və 1 yarımada internet üzərindən satışa çıxarılıb.

“Report” Türkiyə mətbuatına istinadən xəbər verir ki, adalardan 3-ü və yarımada Egey və Aralıq dənizlərində, 1 ada isə Bursa şəhərindəki Uluabat gölündə yerləşir.

Artıq həmin daşınmaz əmlakları almaq istəyənlər var. Təkliflərlə çıxış edənlər yerli investorlarla yanaşı, Azərbaycan, İran, Rusiya, Səudiyyə Ərəbistanı, Qətər və Birləşmiş Ərəb Əmirliklərindən olan investorlardır.