Azərbaycanlının yaratdığı kosmik dövlət pullu oldu

Dünya tarixinin ilk kosmik ölkəsi - “Asqardiya”nın vətəndaşlığı üçün illik ödəniş məbləği təyin edilib.

Kult.az xəbər verir ki, bu barədə qərarı “Asqardiya” parlamenti qəbul edib.

Kosmik dövlətin parlament sədri Lembit Opikin sözlərinə görə, ölkənin vətəndaşı olmaq istəyənlər bundan sonra illik 100 avro ödəməli olacaq.

“Vətəndaşlıq haqqı millətimizin və növümüzün gələcəyinə fayda verəcək. Bu hadisə iqtisadi, siyasi və elmi fəaliyyətlərimizi başlatmaq, millətimizin qurucusu cənab İqor Aşurbəylinin seçdiyi hədəfə doğru irəliləmək üçün vacib qapılar açacaqdır”, - parlament sədri bildirib.

Qeyd edək ki, Asqardiya adı Skandinaviya əfsanələrindən birində yer alan səma şəhəri Asqarddan götürülüb.