"Azərenerji" kibertəhlükəsizlik səviyyəsinin yüksəldilməsinə iki milyon manat ayırdı

"Azərenerji" ASC kibertəhlükəsizlik səviyyəsinin artırılması, mərkəzləşdirilmiş təhlükəsizlik monitorinqi və nəzarət imkanlarının qurulması məqsədilə avadanlıq və həllərin satın alınması ilə bağlı açıq tender elan edib.

Ens.Az-ın əldə etdiyi məlumata görə, tenderin ehtimal olunan qiyməti 2 milyon 47 min manat təşkil edir.

Müsabiqənin sənədlərinə əsasən, satınalma çərçivəsində SIEM və NAC həlləri, firewall avadanlıqları, FortiAnalyzer sistemi, təhlükəsizlik həlləri üçün serverlər, noutbuk və iş stansiyalarının alınması nəzərdə tutulur.