“Azərenerji” və “Azərişıq” əməkdaşlarının sayını azaltdı

Nazirlər Kabineti yanında Operativ Qərargahın tələblərinə uyğun olaraq “Azərenerji” və “Azərişıq” işə çıxan əməkdaşlarının sayını kəskin azaldılıb.

Ens.az xəbər verir ki, bu barədə qurumlardan Modern.az-a daxil olan birgə məlumatda bildirilib.

Qeyd edilib ki, şənbə, bazar və bayram günlərində də növbəli şəkildə fasiləsiz olaraq iş başında olan əməkdaşlar əvvəlki karantin rejimi vaxtlarında olduğu kimi bu dəfə də istehlakçıların dayanıqlı və fasiləsiz elektrik enerjisi ilə təchiz edilməsini həyata keçirəcəklər.

Həmçinin bildirilib ki, son dövrlər çaylarda su səviyyəsinin azalması enerjinin istehsalına təsir edib, hava hərarətinin getdikcə yüksəlməsi fonunda çox sayda insanın evdə qalaraq kondinsioner işlətməsinə görə elektrik enerjisinə olan təlabatı əvvəlki günlərlə müqayisədə bir qədər də artıb.