![“Azəriqaz” bayram günlərində gücləndirilmiş rejimdə çalışacaq](https://ens.az/images/news/74e827fcce677ab6f84545982e49e527.jpg)
“Azəriqaz” bayram günlərində gücləndirilmiş rejimdə çalışacaq
“Azəriqaz” İstehsalat Birliyinin müştəri xidmətləri bayram günlərində (31 dekabr - 06 yanvar) gücləndirilmiş iş rejimində çalışacaq. Bununla bağlı artıq işçilərin növbə ilə çalışacaqları qrafiklər tərtib olunub, onlar tam məlumatlandırılıb. Qeyd edilən tarixlərdə Birliyin Babək prospektində yerləşən Bakı Regional Qazın Satışı Departamentində, Gəncə Regional qaz istismarı İdarəsi və Sumqayıt Regional qaz istismarı Sahəsinin inzibati binalarında ayrılmış işçilər səhər saat 09:00-dan axşam saat 18:00-dək iş başında olacaqlar. Yalnız şənbə və bazar günlərində (4-5 yanvar) xidmət saat 17:00-dək davam edəcək.
Qeyd edək ki, Birliyin mütəxəssisləri abonentlərə smart kartların verilməsi ilə yanaşı, bloklanmış kartların və yaxud abonentin səhvi nəticəsində söndürülmüş sayğacların (OFF rejimi) yenidən aktiv olunması, müqavilələrin bağlanması kimi xidmətləri göstərəcəklər.
Şərhlər
Şərhləri göstər Şərhləri gizlət