AzTV-də yeni kadr təyinatı oldu
"Azərbaycan Televiziya və Radio Verilişləri" (AzTV) Qapalı Səhmdar Cəmiyyətində yeni kadr təyinatı olub.
"Report" xəbər verir ki, bununla bağlı AzTV-nin sədri Rövşən Məmmədov əmr imzalayıb.
Əmrə əsasən, Xalid Əliyev AzTV-nin "İnformasiya proqramları" studiyasının tərkibində "Beynəlxalq postlar və xarici xəbərlər" baş redaksiyasının baş redaktoru təyin olunub.
Qeyd edək ki, X.Əliyev bundan əvvəl Azərbaycan Dövlət İqtisad Universitetinin Marketinq və kommunikasiya departamentinin direktoru vəzifəsində çalışıb. O daha əvvəl uzun müddət "Lider" televiziyasında müxtəlif vəzifələrdə işləyib.
Şərhlər
Şərhləri göstər Şərhləri gizlət