Bakı finalını idarə edəcək hakimlər açıqlandı

Bakıda “Arsenal” və “Çelsi” arasında keçiriləcək Avropa Liqasının final oyununun hakimləri bəlli olub.

Oxu.Az-ın xəbərinə görə, qarşılaşmanı italiyalı referi Canluka Rokki idarə edəcək.

Yan hakimlər Filippo Meli və Lorenso Mnaqanelli, ehtiyat hakim – Daniele Orsato, videoköməkçi hakim isə Massimiliano İrratidir (hamısı İtaliya).

Qeyd edək ki, final oyunu mayın 29-da Bakı Olimpiya Stadionunda keçiriləcək. Qarşılaşma saat 23:00-da başlayacaq.