Bakıda təkrar mənzil bazarında qiymətlər artıb

2019-cu ilin iyununda Bakının təkrar mənzil bazarında qiymətlər keçən ilin eyni dövrü ilə müqayisədə 1,88 faiz artıb.

Bu barədə Trend-ə "MBA Group" konsaltinq şirkətinin direktoru Nüsrət İbrahimov məlumat verib.

2019-cu ilin iyununda təkrar bazarda mənzillərin orta qiyməti bir kvadratmetrə görə 1658 dollar, ötən ilin eyni ayında isə bu göstərici 1608 manat olub.

Təkrar mənzil bazarında təkliflərin ümumi həcmi 2018-ci ildə 2223, 2019-cu ildə isə 1789 ədəd təşkil edib.

2019-cu ilin iyununda təkrar bazarda ekonom sinif mənzillərin qiyməti 1 kvadrat metrə görə 2551 dollar, ötən il isə hesabat ayı üçün eyni göstərici 1 kvadrat metrə görə 2674 dollar təşkil edib. Eyni zamanda bahalı mənzillər bazarında qiymətlərin 4.5 faiz azalması müşahidə edilib.

Təkrar bazarda 2019-cu ildə mənzillərin orta qiyməti 1 kvadratmetr üçün 1 159 dollara çatıb və 2018-ci ildə bu rəqəm 1 kvadratmetr üçün 1 118 dollar olub. Eyni zamanda, bu seqmentdə qiymət artımı 3,67 faiz təşkil edib.

2019-cu ilin əvvəlindən təkrar bazarda mənzil qiymətləri 1 kvadrat metrə 766 dollar təşkil edirsə, 2018-ci ildə bu rəqəm 1 kvadrat metrə 755 dollar təşkil edib. Qiymət artımı 1,46 faiz olub.

2019-cu ilin iyununda mənzillərin keçən ilin eyni ayına nisbətən 10,6 faizədək artması müşahidə edilib.

Beləliklə, 2019-cu ildə ilkin bazarda mənzillərin orta qiyməti 1 kvadrat metrə 1321 manat, 2018-ci ildə isə 1 kvadratmetr üçün 1200 manat təşkil edib.

2018-ci ilin iyun ayında ilkin mənzil bazarında təkliflərin ümumi həcmi 676 ədəd, cari ilin hesabat ayında isə 802 ədəd olub.

Təkrar əmlak bazarında təklif olunan struktura gəlincə, bu il mənzillərin əksəriyyəti (40 faiz) üçotaqlı mənzillər təşkil edib. Təklif edilən mənzillərin 36,2 faizi ikiotaqlı, 12 faizi isə birotaqlı olub.

Çoxotaqlı mənzillərin payı (dörd otaq və yuxarı) təkliflərin təxminən 20 faizini təşkil edib.

Bakının təkrar mənzil bazarında satılacaq mənzillərin ən çoxu Yasamal rayonunun ərazisinə düşüb - 24 faiz. Təkrar yaşayış evlərinin 17,1 faizi Xətai rayonunda, 14,6 faizi Nəsimi rayonunda, 16,9 faizi və daha çoxu Narimanov və Binəqədi rayonunda yerləşib.

Bakının digər rayonlarının payına isə təkliflərin 5 faizi düşüb.