Bakının bəzi bölgələrində su problemi nə vaxt həll olunacaq?- "Azərsu" AÇIQLADI

Paytaxtın bir sıra bölgələrində vətəndaşlar içməli su problemi yaşayırlar. Bakı şəhərinin Suraxanı rayonu, Əhmədli qəsəbəsində vətəndaşlar su problemi ilə üzləşirlər. Əhməd qəsəbəsinin sakinlərinin şikayətlərinə görə, içməli su müəyyən qrafik üzrə verilir. Günortadan etibarən sular kəsilir. Axşam saatlarında yenidən sular verilir. Gecə saatlarından isə səhərə qədər su verilmir. Yay ayının istisində vətəndaşlar bu qrafik üzrə suyun verilməsindən əziyyət çəkirlər.

“Ens.Az” bildirir ki,məsələ ilə bağlı BiG.AZ "Azərsu" ASC-yə istinadən xəbər verir ki:

"Son günlər isti hava şəraiti ilə əlaqədar suya tələbatın kəskin artması səbəbindən bir sıra qəsəbələrin su təchizatında çətinliklər müşahidə olunur. Əhalinin içməli su ilə təmin olunması məqsədilə şəbəkələrə verilən suyun həcmi artırılıb və tənzimləmə işləri davam etdirilir. Hazırda əməkdaşlarımız ərazilərdə araşdırmalar aparır. Artıq bir sıra ərazilərdə suyun verilməsi bərpa olunub və su almayan yaşayış massivlərinin normal qaydada su ilə təmin olunması üçün bütün zəruri tədbirlər görülməkdədir."