Bakının mərkəzində qanunsuz parklanmaya qarşı tədbirlər görülüb

Bakının mərkəzində qanunsuz parklanmaya qarşı tədbirlər görülüb

Bakı Nəqliyyat Agentliyi paytaxtın Fikrət Əmirov küçəsində (metronun “28 may” stansiyasının yaxınlığında) qanunsuz parklanmaya qarşı tədbirlər görüb və ərazidə nəqliyyat şəraitini yaxşılaşdırıb.

“Report” bu barədə quruma istinadən xəbər verir.

Məlumata görə, ərazidə nəqliyyat sıxlığını artıran, yolun buraxıcılıq qabiliyyətinə mənfi təsir edən süni amillər aradan qaldırılıb. Nəticədə piyada təhlükəsizliyi təmin edilib, sərnişinlərin marşrut avtobuslarından təhlükəsiz istifadəsinə nail olunub, 4 müntəzəm marşrut xətti üzrə 229 avtobusun hərəkət sxemi normallaşıb ki, bu da 200 000-dən artıq sərnişinin daha tez və rahat daşınması deməkdir. Digər nəqliyyat vasitələrinin hərəkətində də intensivlik artıb.