"Barselona" növbəti zərbəni aldı: "Qranada" zirvədə

İspaniya La Liqasının V turunda "Barselona" "Qranada"ya məğlub olub.

Axar.az xəbər verir ki, katalonlar səfərdə 2-0 məğlub olub. Hesabı 2-ci dəqiqədə Ramon Aziz açıb. 66-cı dəqiqədə isə Alvaro Vadilyo penalti ilə yekun nəticəni müəyyənləşdirib.

Bu qələbə sayəsində xallarını 10-a çatdıran "Qranada" ən azı 1 günlük liderliyə yüksəlib. Çempionatda 2-ci məğlubiyyətlə üzləşən "Barselona" isə 7 xalla 7-cidir.