'Barselona'nın hücumçusu Rusiya klubuna keçib
Rusiyanın "Zenit" klubu İspaniya "Barselona"sının futbolçusu Malkomu heyətinə qatıb.
"Report" Sankt-Peterburq təmsilçisinin rəsmi saytına istinadən xəbər verir ki, 22 yaşlı hücumçu ilə 5 illik müqavilə imzalanıb.
Daha öncə braziliyalı oyunçunun transfer məbləğinin 40+5 milyon avro olacağı bildirilib.
Qeyd edək ki, Braziliyanın "Korintians" klubunun yetirməsi olan Malkom 2018-ci ildə Fransa "Bordo"sundan "Barselona"ya keçib. O, Kataloniya təmsilçisinin heyətində 15 oyun keçirib və 1 qol, iki məhsuldar ötürmə ilə yadda qalıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət