Baş direktor: "Azərbaycanda Rusiyanın ali məktəblərinə qəbul olmaq istəyənlərin sayı artıb"

"Azərbaycandan Rusiyanın ali məktəblərinə qəbul olmaq istəyənlərin sayı ildən-ilə artmaqdadır".

"Report" xəbər verir ki, bunu Humanitar Əməkdaşlıq Assosiasiyasının baş direktoru Mixail Novoseltsev bu gün Bakıda açılan 12-ci Azərbaycan Beynəlxalq Təhsil Sərgisində deyib.

Onun sözlərinə görə, bunu yerli əhali arasında rus dilinə və o dildə təhsilə böyük maraq göstərməsi də sübut edir.

Xatırladaq ki, 12-ci Azərbaycan Beynəlxalq Təhsil Sərgisində Rusiya ilk dəfə maksimal sayda - bütün regionlarından olan 16 ali təhsil müəssisəsi ilə təmsil olunur.