![Bələdiyyə seçkilərinə ən yüksək və ən aşağı seçici fəallığı olan dairələr](https://ens.az/images/news/belediyye-seckilerine-en-yuksek-ve-en-asagi-secici-fealligi-olan-daireler.jpg)
Bələdiyyə seçkilərinə ən yüksək və ən aşağı seçici fəallığı olan dairələr
Azərbaycanda keçirilən bələdiyyə seçkilərində ən yüksək və ən aşağı seçici fəallığı olan dairələr açıqlanıb.
Ens.az Teleqraf.com-a istinadən xəbər verir ki, seçici fəallığının ən yüksək olduğu 59 saylı Quba Seçki Dairəsidir. Burada 49 795 seçicidən 19 172 nəfəri (38.50 %) səs verib.
Eyni zamanda seçici fəallığının ən aşağı olduğu dairə 54 saylı Mingəçevir Seçki Dairəsidir. Burada 50 269 seçicidən 12 291 (24.45 %) səs verib.
Azərbaycanda keçirilən bələdiyyə seçkilərində, ümumilikdə seçici fəallığı 31.45 faiz olub. Səsvermə hüququna malik 5 milyon 961 min 625 nəfərdən 1 874 810 nəfəri səs verib.
Qeyd edək ki, 118 seçki dairəsini əhatə edən 685 bələdiyyə üzrə 8 071 bələdiyyə üzvü seçiləcək.
Həmçinin seçkilərdə ümumilikdə 16 min 96 namizəd mübarizə aparıb və onlardan 8 504 nəfəri 24 siyasi partiyanı təmsil edib.
Şərhlər
Şərhləri göstər Şərhləri gizlət