Bəqai: İran vasitəçilərdən ABŞ ilə gərginliyin azaldılmasına dair təkliflər alıb

Bəqai: İran vasitəçilərdən ABŞ ilə gərginliyin azaldılmasına dair təkliflər alıb

İran tərəfi vasitəçilərdən atəşkəsə və ABŞ ilə münaqişənin gərginliyinin azaldılmasına dair təkliflər alıb.

"Report" İran mediasına istinadən xəbər verir ki, bu barədə İran Xarici İşlər Nazirliyinin rəsmi nümayəndəsi İsmayıl Bəqai brifinq zamanı bildirib.

"Təkliflər var, biz onları almışıq, təfərrüatlara varmayacağam. Amma ideyalar irəli sürülüb", - o bildirib.

Bununla yanaşı, İ.Bəqai qeyd edib ki, diplomatiya müdafiəni istisna etmir:

"Məqsəd – İranın milli maraqlarının müdafiəsidir. Bəzən müdafiə vasitələri, bəzən diplomatiya, bəzən isə eyni vaxtda hər ikisi ilə".