Beynəlxalq Avtovağzal Kompleksi sərgiyə bu yeniliklərlə gəldi

Bakı Beynəlxalq Avtovağzal Kompleksi bu il 18-ci Xəzər Beynəlxalq Nəqliyyat, Tranzit və Logistika Sərgisində iştirak edir. Avtosfer.az xəbər verir ki, Kompleks sərnişinlər üçün yeni mobil tətbiqi istifadəyə verib. Həm Android həm də İOS sistemləri üçün tətbiq bu gündən istifadəyə verilib. Həmçinin Bakı Beynəlxalq Avtovağzal Kompleksinin yeni saytı da hazırlanıb.

Yeni sayt daha funksionaldır. Burada həm Avtovağzal haqqında məlumatlar, həm xidmətlər əks olunub. Saytın digər üstünlüyü isə sərnişinlərin online bilet alışını rahat həyata keçirməsidir.

Çətinliklər olmasın deyə bununla bağlı izahlı bir video da hazırlanıb.