![Bibiheybət yolu istifadəyə verildi - RƏSMİ](https://ens.az/images/news/5a5b049b2a4315b860aff96a8905dba5.jpg)
Bibiheybət yolu istifadəyə verildi - RƏSMİ
Keçən il təmirə bağlanan Bibiheybət yolu ötən gecədən istifadəyə verilib.
Ens.az xəbər verir ki, bu barədə Oxu.Az-ın sorğusuna cavab olaraq, Azərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli məlumat verib.
O bildirib ki, Bakı-Ələt-Qazax-Gürcüstan ilə dövlət sərhədi avtomobil yolunun Bibiheybət məscidi istiqamətində olan yol artıq açılıb:
“Yolun Səbail rayonu, Bibiheybət məscidinin yaxınlığından keçən hissəsi asfaltlandıqdan sonra dünən gecə saatlarından istifadəyə verilib. Sözügedən yol üzərindən şəhərə giriş-çıxış bərpa olunub”.
Xatırladaq ki, Bibiheybət məscidi yaxınlığından keçən yolda ötən il bir neçə dəfə sürüşmə hadisəsi qeydə alınıb. Torpaq sürüşməsi səbəbindən yolun təxminən 250-300 metrlik hissəsi uçaraq, tamamilə yarasız hala düşmüşdü.
Şərhlər
Şərhləri göstər Şərhləri gizlət