Biznes qurmaq adı altında 24 min manatlıq dələduzluq edən şəxs saxlanıldı
Sumqayıt şəhərində vətəndaş polisə müraciət edərək, külli miqdarda maddi vəsaitinin dələduzluq yolu ilə mənimsənildiyini bildirib.
Ens.Az xəbər verir ki, Sumqayıt Şəhər Polis İdarəsinin əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuş 42 yaşlı İ.Quliyev saxlanılıb.
Ondan psixotrop maddə olan metamfetamin də aşkarlanıb.
Araşdırma zamanı İ.Quliyevin zərərçəkənə birgə biznes qurmaq vədi verərək, onun 24 min manat dəyərində qızıl-zinət əşyalarını satdığı və pulunu ələ keçirdiyi məlum olub.
Faktla bağlı cinayət işi başlanılıb, istintaq davam etdirilir.
Şərhlər
Şərhləri göstər Şərhləri gizlət