![Böyük Britaniyanın Tehrandakı səfirliyi iranlı idmançılara viza verməyib](https://ens.az/images/news/b19a190c6bcf854dfdf49694a39bb0ac.jpg)
Böyük Britaniyanın Tehrandakı səfirliyi iranlı idmançılara viza verməyib
Böyük Britaniyanın Mançester şəhərində keçirilən taekvondo üzrə dünya çempionatında iştirak etmək istəyən iranlı iki idmançıya viza verilməyib.
AZƏRTAC xəbər verir ki, İran idmançıları Ərfan Nazimi və Mirhəşim Hüseyni dünya çempionatına qatılmaq üçün viza ilə bağlı Böyük Britaniyanın Tehrandakı səfirliyinə müraciət ediblər. Lakin səfirlik idmançıların müraciətinə mənfi cavab verərək onlara viza verməyib.
IRNA agentliyi yazır ki, səfirlik viza verməkdən imtina etməsinin səbəbini açıqlamayıb.
İran Taekvondo Federasiyası bununla əlaqədar Britaniyanın Tehrandakı səfirliyinə etiraz məktubu göndərib.
Xatırladaq ki, mayın 15-də Mançesterdə start götürən taekvondo üzrə dünya çempionatına mayın 20-də yekun vurulacaq.
Şərhlər
Şərhləri göstər Şərhləri gizlət