"Brent" markalı neftin qiyməti 78 dollara düşdü

"Brent" markalı neftin qiyməti 78 dollara düşdü

Yaxın Şərqdəki münaqişənin sona çatacağı barədə məlumatların yayılması fonunda neftin ucuzlaşması müşahidə olunur.

Ens.az Oxu.az-a istinadən xəbər verir ki,bu barədə "İnterfaks" agentliyi məlumat yayıb.

Bakı vaxtı ilə saat 09:10-da Londonun ICE birjasında avqust ayına çatdırılma ilə "Brent" markalı neftin füçersləri 0.57 dollar (0.72%) ucuzlaşaraq bir barel üçün 78.39 dollara ticarət olunub. Əvvəlki sessiyada isə "Brent" markalı neftin qiyməti 4.21 dollar (5.1%) azalaraq bir barel üçün 78.86 dollar təşkil etmişdi.

Nyu-York Ticarət Birjasında (NYMEX) iyul ayına çatdırılma ilə WTI markalı xam neftin füçerslərinin qiyməti 0.58 dollar (0.76%) azalaraq bir barel üçün 75.47 dollar olub. Əvvəlki sessiyada WTI markalı xam neft 4.70 dollar (5.8%) ucuzlaşaraq bir barel üçün 76.05 dollara satılmışdı.