BŞTİ: "Son zəng" günü məktəblərdə təhlükəsizlik tədbirləri tam təmin olunacaq
"Bakı məktəblərində "Son zəng" tədbirləri iyunun 14-də günün I yarısında keçiriləcək".
APA-nın xəbərinə görə, bunu Bakı Şəhəri üzrə Təhsil İdarəsinin (BŞTİ) müdiri Rəşad Tağıyev deyib.
O bildirib ki, "Son zəng" tədbiri ilə bağlı Təhsil naziri tərəfindən müvafiq əmr imzalanıb: "Bakı Şəhəri üzrə Təhsil İdarəsində bu əmrin icrası ilə bağlı müvafiq əmr imzalanıb".
R. Tağıyev qeyd edib ki, "Son zəng" günü məktəblərdə təhlükəsizlik tədbirləri ilə bağlı aidiyyəti üzrə hüquq-mühafizə orqanlarına müraciət olunub: "Son zəng" günü məktəblərdə təhlükəsizlik tədbirləri tam təmin olunacaq".
BŞTİ-nin müdiri şagirdlərə də müraciət edib. O, şagirdlərə "Son zəng" tədbirlərini məktəb ərazilərində qəbul edilmiş reqlamentə əsasən həyata keçirməyi tövsiyə edib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət