Bu daha məsləhətlidir ! – “Məhərrəm ayının ayinlərini evdə icra etsinlər!”

“Dindarlar Məhərrəm ayının ayinlərini evdə icra edə bilərlər. Müsəlmanların məscidə getməsi şərt deyil”. 

Ens.az xəbər verir ki, bu barədə “Sherg.az”a gənc ilahiyyatçı Seyid İsa Ələkbər deyib.

Din xadimi bildirib ki, dövlətimizin tətbiq etdiyi qayda-qanunlarla razılaşmaq mütləqdir: 

“Hər kəs qaydalara riayət etməlidir. Unutmaq lazım deyil ki, dövlət bizim sağlamlığımız üçün bu cür adımlar atır, zəruri tədbirlər görür. Cümə namazına gəldikdə isə mən bəzi kitablarda indiki dövrdə camaat namazının elə də vacib olmaması haqda ifadələr oxumuşdum. Təəssüflər olsun ki, bu gün məscidlərimizdə bəzi din xadimləri çox savadsız çıxışlar edirlər. İnsanların beynini yalan məlumatlarla doldurur, başqalarının zərərli ideologiyalarını bizə yeritməyə çalışırlar. Bu cür cəhdlər yolverilməzdir. Adətən belə çıxışlar Məhərrəm ayı ərzində keçirilən məclislərdə daha çox olur. Bunlara ehtiyac yoxdur. Hərə öz evində Kərbəla faciəsinin qurbanlarının xatirəsini yad edə bilər. Bu, daha məsləhətli və məqsədəuyğundur”.